LAOAG CITY – Pormalen a naiturn-over ti transition team iti agdama nga administrasyon ditoy ciudad ti Laoag dagiti sumagmamano a dokumentos iti baro nga administrasyon ni Incoming Mayor Michael Marcos Keon.
Iti eksklusibo a pannakiinuman ti Bombo Radyo Laoag kenni Keon, kunana a narigat ti transition period rason a naannad gapo ta posible nga agbalin a liable wenno responsable isuna kadagiti amin nga assets a pakairamanan ti mapukpukaw.
Gapo iti daytoy, kuna ni Keon a siguradwen na a dagiti naipama kenkuana ket maberipikar a nalaing.
Inlawlawag na nga iti laksid nga inawat na dagiti dokumento ket saan na a kayat a sawen a dagitoy ket naurnos.
Kabayatanna, kuna ni Keon nga intono sumaruno a lawas ket mangiyuswat da ti inspeksyon kadagiti departamento.
Inbatad na a namnamaen na iti panaginspekyon na a makita dagiti amin nga adda iti rekord kangrunaan na ti kinapudno.
