LAOAG CITY – Nagpinnirma ti Memorandum of Agreement ti Independent Commission for Infrastructure (ICI) kabinnulig dagiti sumagmamano nga ahensia ken organisasion pakairamanan dagiti sumaganad:
Philippine National Police (PNP) iti panangidaulo ni Acting Chief Jose Melencio Nartatez Jr.
Mayors for Good Governance iti panangidaulo da Pasig Mayor Vico Sotto ken Quezon City Mayor Joy Belmonte.
Integrated Bar of the Philippines (IBP) iti panangidaulo ni Executive President Atty. Allan Panolong.
Philippine Institute of Civil Engineers (PICE) iti panangidaulo ni National President Engr. Frederick Sison.
Gagem ti Memorandum of Agreement a siguradoen ti transparency, accountability ken nalawlawa a sakupen ti imbestigasion.
Inpetteng ni Independent Commission for Infrastructure Chairperson Ret. Justice Andres Reyes a ti kinapudno laeng ti pangibasaranda ken awan ti asinoman ti nangatngato wenno nabilbileg ngem iti linteg.
