LAOAG CITY – Naipadamag nga inlaksid ti India dagiti damag maipapan a mangibagbaga a napaay ti gobierno a manglapped iti European buyers a mangiyakar kadagiti Indian-made artillery shells iti Ukraine.
Basar iti impormasion, maipagarup nga inlako dagiti Inidian arms makers dagiti artillery shells ket in-divert dagiti European customers idiay Ukraine.
Mainaig iti daytoy, mapapati a nasurok a makatawenen a mapaspasamak ti pannakaiyakar ti ammunition nga awan ti inaramid ti Delhi nga addang tapno maipasardeng daytoy iti laksid ti maulit-ulit a protesta idiay Moscow.
Nupay kasta, inbatad ti foreign ministry ti India a “speculative” ken “misleading.” ti nadakamat nga impormasion.
Segun ken ni Randhir Jaiswal, ministry’s spokesperson, a ti report ket mangipasimudaag dagiti panaglabsing babaen ti India no sadinno a saan nga umiso daytoy ken makaallilaw.
Kabayatanna, awan pay ti nagbalin a reaksion ti Moscow wenno statement ti Delhi maipapan ti nadakamat a report.
