LAOAG CITY – Inruaren ti Aircraft Investigation bureau ti India ti preliminary report-da iti panagsuek ti Air India idi bulan ti Hunio.
Basar iti imbestigasion a maipagarup a pinuted ti fuel control switches iti cockpit ti Boeing 787 Dreamliner a nangitunda iti saan a panagkarga ti fuel iti makina.
Daytoy met ti nakita a rimmuar iti black boxes pakairamanan ti 49 nga oras a flight data ken dua nga oras a cockpit audio.
Adda ti kapaspas a 180 knots ti eroplano no sadinno a ti dua a makina daytoy ket nakapasar ti “fuel cutoff.”
Mangngeg iti audio recording a sinaludsod ti piloto no apay a pinutedna banag a naglikudan met ti kaduana a piloto.
Ti fuel cutoff ket masarakan iti nagbaetan ti dua a piloto nga addaan ti locking mechanism tapno maliklikan nga aksidente a magaraw.
Ti captain ti flight ket maysa nga agtawen ti 56 a lalaki nga addaan ti 15,000 nga oras iti career daytoy idinto a ti maikadua ket agtawen ti 32 nga addaan met ti 3,400 flying hours.
Maipalagip nga idi Hunio 12 idi nagsuek ti eroplano manipud iti Sardar Vallabhbhai Patel International Airport nga agturong idiay London.
Iti pakabuklan, 242 a pasahero ken crews ti natay pakairamanan ti 169 nga Indian nationals, 53 a Briton, pito a Portuguese ken maysa a Canadian ken maysa laeng a Briton ti nakalasat.
