LAOAG CITY – Inlawlawag ni Mayor Anonio Mariano iti ili a Marcos mainaig iti apela dagiti Indigenous People a maikkan ti posisyon iti konseho kas naipalaon ti paglintegan.
Segun kenni Mariano, saan na pay laeng a mabalin a mangaramat iti position nga Indigenous Peoples Mandatory Representative iti konseho gapu ta kurang ti pondo da.
Kunana a maysa pay a rason a saan da a makaipaay ti posisyon ti IP gapu ta nakompleton ti personal service capitalization ti Marcos.
Nupay kasta, inpasigurado ti mayor nga aramiden amin ti administrasyon na ti kabaelan da tapno matulongan dagiti indigenous people ken amin nga umili idiay ili ti Marcos.
Mamati ni Mariano nga iti panagsasarita da kadagiti maseknan ket naawatan da met ti sitwasyon.
Kabayatanna, inpakaammo ni Mariano a nakurang dagiti department heads iti munisipyo gapu ta agkurkurang ti pondo da isut gapuna a saan pa da pay a mapagnunumoan no mano ti maiyalokar a pondo para iti umay a tawen.
