LAOAG CITY – Inpetteng ni Atty. Jesus Agbayani, ti Provincial Director iti National Commission on Indigenous Peoples (NCIP) a kalintegan dagiti Indigenous people ti maaddaan ti mangibagi kadakuada iti policy making body kas iti Sang Pam-barangay, Sang bayan ken sang panlalawigan.
Daytoy ket maibasar iti Republic Act (RA) 8371 wenno Indigenous People’s Right Act a napagbalin pay laeng a linteg idi 1997.
Inbatad ni Agbayani a gagem ti nasao nga addang a maprotehiran ti kalintegan dagiti indigenous people iti intero a pagilyan.
Kuna ni Agbayani a dagiti agpili ti mangibagi kadagiti maseknan ket dagiti met laeng residente.
