LAOAG CITY – Inpakaammo ni Hon. Macario Gudayan, Indigenous People Mandatory Representative iti ili ti Vintar a dakkel a tulong kadakuada ti pannakaipatungpal ti Indigenous Rights Act.
Segun kenkuana, babaen iti daytoy ket maipaayanda ti oportunidad a mangibagi iti barangay tapno maitandudo ti karebbenganda kas maysa kadagiti Indigenous People.
Inbatadna a sipod naputar ken naipatungpal ti nasao a linteg ket in-inot a nabigbig ti kabaelanda nga Indigenous People Community.
Inlawlawagna a maragsakanda gapu ta maik-ikkan ti kinapateg ti komunidad dagitoy babaen iti panangtulong ti gobierno kadakuada kas kadagiti kasapulanda a transportasion.
Kunana a basar iti kaudian a datosda ket addan ti nasurok maysa a ribu a miembro ti Indigenous People Mandatory Representative iti ili ti Vintar.
Kabayatanna, inpakaammo ni Gudayan nga adda ti maiyuswat nga Indigenous People Summit inton Oktubre 25 ken 26 iti Brgy. Isic-Isic iti ili ti Vintar a suportado ti lokal a gobierno ken Department of Social Welfare and Development.
