LAOAG CITY – Mabalinen nga awaten ti indigent senior citizen social pension da iti kada bolan,kada 2 a bolan wenno quarterly ken saanen a kada 6 a bolan.
Daytoy ket basar iti Department of Social Welfare and Developmen
Iti maysa memorandum circular a naka-address iti amin a regional directors, inbatad ni Department of Social Welfare and Development Secretary Sec. Rex Gatchalian a saanen a palubusan pay ti semestral payments sipud idi Hulyo 1 ti agdama a tawen.
Mainaig iti daytoy, naibilin iti amin a DSWD Field Offices a suruten ti baro nga schedule ti panangipaay ti social pension.
Nakailanad pay iti nasao a memorandum a mabalin a ma-exempt manipod iti binolan a panangipaay ti social pension no mayorya dagiti benepisyaryo ket agnanaed iti nasusulimek a lugar wenno adda iti babaen iti state of calamity ti maysa a probinsiya, siyudad wenno ili, wenno makapaspasar ti armed conflict ken dadduma pay a saan a kontrolado a sitwasyon a subject iti validation dagiti field office.
