LAOAG CITY – Binigbig ti Indonesia ni dati a Presidente Suharto kas national hero.
Nupay kasta, naruay ti nagprotesta kontra iti nasao a tignay ti nasao a pagilian.
Iti panagturay ni Suharto idi tawen 1960s agingga iti 1990s, nakita ti Indonesia ti napaspas a panagdur-as ti ekonomia ngem adda met dagiti violent political repression.
Natay ti ginasgasut nga indibidual a kumonkontra iti pulitika kadayta a panawen.
Naammoan a ti national hero award ket maysa nga annual affair tapno bigbigen dagiti indibidual a nangipaay ti dakkel a kontribusion iti pagilian.
Mainaig iti daytoy, ni Suharto ket maysa kadagiti 10 a baro a nagan a nainayon iti listaan a nairakurak kabayatan ti seremonia nga in-preside ti agdama nga Indonesian president Prabowo Subianto a dati a manugang ni Suharto.
Idi Oktubre, innominar ti Indonesia’s social and culture ministries ti agarup 50 a kandidato para iti nasao a pammadayaw pakairamanan ni Suharto.
Inawat dagiti annak ni Suharto ti pammigbig iti state palace idiay Jakarta.
Kabayatanna, kinontra met ti civil society iti panangbigbig ken ni Suharto kas national hero no sadinno iti napalabas a lawas ket adda ti agarup 100 a tattao ti naguummong idiay Jakarta tapno mangiwayat ti tignay protesta iti pannakainominar ni Suharto idinto a 16 a ribu ti nagpirma iti online petition a mangkidkiddaw iti kadapa a tignay.
