LAOAG CITY –Plano ti gobierno ti Indonesia a baliwan ti lintegna maipapan iti citizenship tapno maipalubos ti dual citizenship para kadagiti dadduma nga umili.
Kinuna ni Indonesian President Prabowo Subianto a gage daytoy ti mangtaginayon iti relasion ti pagilian kadagiti talentado nga Indonesians nga agnanaed ken agtartrabaho iti ballasiw-taaw.
Pakairaanan daytoy dagiti agsuksukisok ken world-class profession a nangpili a maaddaan iti dual citizenship gapu iti trabaho wenno pamilia.
Kinuna ni Prabowo a mangaramid ti gobierno kadagiti pagalagadan no siasino ti mabalin a maipaayan ti dual citizenship, agraman ti panangtingiting iti integridad ken panangsigurado a saan a maikompromiso ti nasional a seguridad.
Iti bbaen ti agdama a linteg, saan a bigbigen ti Indonesia ti dual citizenship para kadagiti nataengan. Masapul a pilien dagiti annak dagiti nagannak nga addaan ti citizenship inton agtawenda iti 18.
