LAOAG CITY – Mannarimaan a makinegnegosiar ni Senior Sang. Panlalawigan Member Matthew Joseph Marcos Manotoc iti maysa a kompania ti kape idiay Manila para iti pannakaipadur-as ti industria ti kape ditoy Ilocos Norte.
Mainaig iti daytoy, manamnama nga umay makipagkita iti bokal intono lunes Hunyo kuatro ti pannakabagi ti Cloudburst and Present Trading Inc. para iti posibilidad a pannakibinnuligda iti probinsia a mangipasdek iti plantasion ti kape ditoy probinsia.
Immun-una ngem iti daytoy, dua a lugar ti immunan a binisita dagitoy kangrunaanna iti ili a Piddig ken iti ili a Pagudpud.
Manamnama nga iti panagsubli da intono lunes ditoy probinsia ket makapagkikinnaawatanda iti bokal para iti pannakairugi ti naan-anay a negosasion.
Dakkel ti pammati ni Manotoc a no maipasdek ti nasao a plantasion ket dakkel manen a makatulong daytoy a mangipaay ti ad-adu pay a pagtrabahoan dagiti umili ditoy Ilocos Norte.
