LAOAG CITY – Kinumpirmaran ni INEC Board President Enrico “Cocoy” Ruiz nga adda ti naawat na a pangta iti biagna babaen ti text message nga “inumpisahan ninyo, tatapusin ko”.
Inadmitir na nga idi nabasa na ti mensahe ket simgar ti dutdot na.
Nupay kasta, saan pay a nalawag kenkuana no ania ti dakdakamaten ti nangipatulod ti mensahe gapu ta para kenkuana ket nalawa ti kaipapanan ti nasao a mensahe.
Innayon na a ti agdama a sangsangwen na iti agdama ket ti naiget a panangilaban na ti hustisya iti pannakapapatay daydi ama na a ni dati nga INEC Board Presidente Lorenzo Rey Ruiz.
Kuna na pay a saannan a sinungbatan ti naawat na a mensahe imbes ket napanna lattan inreport iti PNP.
Gapu ti daytoy, kuna ni Ruiz nga ado dagiti mangbalbalakad kenkuana nga agan-annad, ngem nakunana laeng a manangngaasi ni Apo Diyos.
