LAOAG CITY – Nadismaya ni INEC Board President Enrico Ruiz gapu ti maipagarop a saan a panangipakaammo kadakuada ti management iti kooperatiba ti panagsuksukat da ti metro dagiti member-consumers.
Inpetteng na a naamoan na laeng daytoy kalpasan nga adda ti nagsaludsud kenkuana a member-consumer ken nasakit ti nakem na gapu ta saanna a nasungbatan daytoy gapu ta awan ti ammo na iti nagbalin nga addang ti management ti INEC.
Inbatad na a masapol a pinakaammoan koma nga immuna ti management ti INEC dagiti directors sakbay a rinugyan da ti nagsukat kadagiti metro tapno adda met ti maisungbat na kadagiti agsaludsud kenkuana.
Kabayatanna, inbatad ni Ruiz nga awan ti gap da iti management iti INEC ngem kunana a maliplipatanen dagiti maseknan nga isuda ti mangibagi kadagiti member-consumer owners.
