LAOAG CITY – Inbatad ni Atty. Rex Riveral, INEC Director ti zone 4 ditoy probinsya a napateg nga ilaban ti karbengan dagiti member consumers.
Daytoy ket iti baet ti panagngato ti singir iti kuryente ti INEC.
Kuna na a kas maysa a direktor, saan nga agsardeng a tumulong iti pannakaipababa ti singir iti kuryente.
Immuna iti daytoy, inadmitir ni Riveral nga adda ti pannakalabsing ti transparency policy nu maibasar iti kontrata ti INEC.
Inbatad ni Riveral a gapu iti daytoy ket isu ti posible a rason iti ad-adda a panagkalikagum ti kooperatiba a mapababa ti singir iti kuryente.
Inpalgak na a daytoy ket kageddan ti panagkalikagum na a masukatan ti kontrata ti kooperatiba ken makasapul iti nalaklaka supplier ti kuryente.
Kabayatanna, kuna ni Riveral a gapu ta baro pay laeng iti kooperatiba ket adalen na a naimbag daytoy.
Inbunannag ni Riveral a saan na a madesisyunan nu adda ti tyansa a malukatan ti libro ti kooperatiba tapno maamoan ti sweldo ken dadduma a mapaspastrek ti kooretiba para iti transparency.
Ipalgak na nga adda ti desisyon ti kaaduan kadagiti board of directors.
Inpetteng met ti direktor iti kooperatiba nga agbaybayad ti singir ti kuryente kas iti dadduma a member consumers, saan a kas iti alegasyon nga awan ti panagbayad da.
Naamoan manipod iti INEC director nga umabot iti 40,000 ti sweldo dagiti INEC directors.
Inlawlawag na a ti per diem ket 10,000 nu sadino a dua a daras ti panagtataripnong da iti kada bulan ken ti nabatbati a 20,000 ket para iti allowances ken dadduma nga expenses.
Saan met a nadakamat ti INEC direktor ti patta-patta a sweldo ti general manager ken daytoy met ti kalikagum na a maamoan.
