LAOAG CITY – Inadmitir ni Mr. Noel Andres, ti pannakangiwat ti Ilocos Norte Electric Cooperative (INEC) a naalarma iti kaado dagiti senior citizens a napan nagparehistro iti opisina da tapno maipaayan ti diskwento.
Daytoy ket gapo ta ado dagiti napan iti nagduduma nga opisina ti kooperatiba a nagparehistro iti gagem na a maipaayan ti lima a porsiento a diskwento iti bill da ti kuryente ngem saan amin dagitoy ket kwalipikado.
Segun kenni Andres, nailanad iti Section 1, Article 12 iti Republic Act 994 a dagiti laeng maipaayan ti lima a porsiento a diskwento ket dagiti agkonkonsumo ti 100 kilowatt hour agpababa iti makabulan.
Malaksid iti daytoy, nasken pay a dagiti senior citizen ti mismo nakanagan iti kooperatiba tapno magundawayan na ti diskwento.
Inlawlawag na a masapol nga agparehistro dagitoy gapo ta saan nga otomatiko a magundawayan da ti diskwento, no diket masapol nga agfill out da iti form ken maisubmitir ti nagan na iti gobierno national. Kabayatanna, inbatad na nga ado met dagiti miembro a senior citizen ti makagungundaway iti daytoy.
