LAOAG CITY – Inlawlawag ni Mr. Cipriano “Perry” Martinez, Acting General Manager ti Ilocos Norte Electric Cooperative no apay a naibayag ti pannakaikonektar ti linya ti kuriente iti maysa a dakkel a mall ditoy siudad ti Laoag.
Segun kenkuana, adda ti problema ti kuriente ti dakkel a mall gapu ta masapol ti right o way tapno awan ti madalapos wenno maapektaran iti pakaipatakderan kadagiti poste.
Inbatadna nga adda ti manamnama a 56 a poste ti maipasdek no sadinno ti kurientena ket aggapu iti substation ti kooperatiba iti ili ti San Nicolas.
Kunana nga ikarkarigatanda a plastaren amin a kasapulan a banag tapno naan-anay met laeng a maipasigurado a natalged ti pannakaikonektar ti kuriente iti nasao a dakkel a mall.
