LAOAG CITY – Naiget a banbantayan ti Ilocos Norte Electric Cooperative wenno INEC iti ili ti Pagudpud.
Segun ken ni Mr. Perry Martinez, Acting General Manager ti Ilocos Norte Electric Cooperative wenno INEC, gapu iti kinaadu dagiti turista ket dakkel ti posibilidadna nga ag-overload dagiti resort ken hotel.
Inlawlawagna a no adu unay dagiti agus-usar ti kuriente ket gagangay laeng nga adda dagiti pumutok a transformer.
Gapu iti daytoy, kunana a nangnayonda ti lineman tapno adda ti insigida a mapan agturong iti lugar a kasapulan a matarimaan.
Kabayatanna, kiniddaw ti Acting General Manager ti Ilocos Norte Electric Cooperative ti naan-anay a panagan-anus kadagiti member consumers ti kooperatiba no adda ti mapasamak a kapada a situasion.
