LAOAG CITY – Nakasaganan a mang-assess ti Ilocos Norte Electric Cooperative iti pannakaikonektar ti traffic lights iti Barangay Nangalisan – A ditoy ciudad ti Laoag.
Daytoy ket kalpasan a nagaplikar ti gobierno lokal ditoy ciudad tapno maamoan no kasanu ti kaado ti makonsumo na a kuryente ken maikkan ti bukod a kuntador.
Inbatad ni Ilocos Norte Electric Cooperative Acting General Manager Mr. Perry Martinez, babaen iti nasao nga addang ket maliklikan nga adda ti tumaod a problema partikular iti possible a panagpukaw wenno pannakaagaw ti suplay iti kuryente manipod kadagiti pagtaengan iti nadakamat a lugar.
Innayon na a saan laeng a ti traffic lights ti rumbeng nga i-assess da no di ket amin nga agus-usar ti kuryente iti nadakamat a barangay gapu ta isu ti pangal-alaan ti kuryente iti SM Laoag.
