LAOAG CITY – Nakipinnirma ti Ilocos Norte Electric Cooperative iti Aboitiz ken San Miguel para iti emergency power supply agreement.
Segun ken ni Mr. Cipriano “Perry” Martinez, Acting General Manager iti Ilocos Norte Electric Cooperative a nalapasen ti dati a katulaganda iti Aboitiz a nagapaut iti maysa a tawen.
Inlawalawagna a mangala ti kooperatiba iti tig-26 megawatts manipud iti dua a power supplier tapno buklen ti 52 megawatts a kasapulan ditoy probinsia.
Nammaoan a ti presio dagiti dua a supplier ket adda iti ₱5.83 kada kilowatt-hour no idasig iti dati a presio a ₱6.75.
Gapu iti daytoy, mabalin nga ag-stabilized ti presio ti per kilo-watt-hour ti kuryente iti single digit, malaksid no adda ti panagbalbaliw iti world market.
Innayonna, a datin nga agararamid ti kooperatiba ti naruay a wagas tapnu bumaba ti rate, no sadinno matungpal daytoyen babaen iti baro a katulagan.
Kabayatanna, manamnama a makita ti epektona daytoy iti November bill, no sadinno bumbaba iti ₱9.72 iti kada kilowatt-hour ti panagsingir iti residential customers.
