LAOAG CITY – Nalukatanen ti Ilocos Norte Electric Cooperative wenno INEC Substation iti ili ti Badoc.
Indauloan daytoy ni Mr. Perry Martinez, Acting General Manager ti nasao a kooperatiba, kaduana dagiti director ken zone managers.
Segun kenkuana, babaen ti pannakalukat ti nasao a substation, addan ti kabukbukudan ti Badoc ken Pinili a pangalan ti kuriente.
Inbatadna a dati ket iti ili ti Currimao ti paggapgapoan ti suplay ti kurienteda.
Inlawlawagna a daytoy a substation ket 10 Mega Volts Ampere ken agbalor daytoy ti 40 a milyon a pisos.
Innayonna a tallo a tawen idi naipatakder daytoy ngem gapu iti napigsa a bagyo ket naperdi rason a kanayon nga agpukaw ti kuriente iti ili ti Badoc ken Pinili gapu kadagiti naruay nga agusar.
