Laoag City – Nangipasa ti Sangguniang Panlalawigan ti Resolution of Commendation of Heroic deeds para iti pimmusay a ni Mr. Ricky Manglal-lan a residente ti Barangay Salet, Bulangon ditoy ciudad ti Laoag.
Inbatad ni Bise Gob. Cecilia Araneta Marcos a nasken a maipasa iti nasao a resolusyon kas panangbigbig ti kinabanuar a naaramid ni Manglal-lan.
Inaprobaran ti SP ti pannakaipasa ti maysa a resolusyon babaen ti panangidasar ni Atty. Franklin Respicio.
Maipalagip a natay ni Manglal-lan kalpasan a nalmes kabayatan ti panangrescue na kadagiti kabaranggayan na nga apektado ti layos kabayatan iti iduduprak ti Bagyo Ineng itay kallabes.
Naammoan a dua nga anak iti napanawan ti biktima nga agtawen dagitoy ti 15 ken 3 a bulan.
Kabayatanna, nangukkon pay ti Sangguniang Panlalawigan ti tulong finansyal para iti pamilya ni Manglal-lan babaen kenni Atty. Donald Nicolas, Chairman ti Committee on Finance and Appropriation.
