Namnamaen ti Bangko Sentral ng Pilipinas (BSP) nga agtalinaed iti 3% ti inflation rate ti pagilian ita a Disiembre.
Segun iti datos ti Bangko Sentral ng Pilipinas, daytoy ket resulta ti panagbaba ti presio ti taraon, produkto ti petroleo, ken koriente.
Kinunana pay ti ahensia a posible nga agay-ayam ti inflation iti nagbaetan ti 2.4% agingga iti 3.2% ita a bulan.
Nababbaba daytoy no idasig iti 4.2% iti isu met laeng a bulan idi napan a tawen ken 3.2% idi Nobiembre.
Agtultuloy ti panangmonitor ti Bangko Sentral ng Pilipinas kadagiti banag a mangapektar iti inflation kas iti nababbaba a presio ti bagas ken dadduma pay a kangrunaan a tagilako.
Nupay kasta, mabantayan met ti epekto ti nangato a plete ti transportasion a mabalin a pakaigapuan ti bassit a panagngato ti inflation.
