LAOAG CITY – Nairekord ti inflation kas problema a masapol nga unaen a masolusionan ditoy pagilian.
Basar iti resulta nga imparuk-at ti Pulse Asia survey maipanggep kadagiti isyu a masapol nga insigida a masolusionan, naamoan a 71% kadagiti Filipino adults ket ibilangda a ti nangato a presio dagiti magatang ti masapol nga unaen a solusionan ti gobierno.
Naiwayat ti nasao a survey manipud Setiembre 17 agingga 24, no sadinno ngimmato ti nangibaga ti inflation kas naruay a problema no ikumprar iti 57% idi bulan ti Hulio iti daytoy metlaeng a tawen.
