LAOAG CITY – Mangnamnama ni Finance Secretary Ralph Recto a ti rate ti panagngato ti consumer prices ket bumaba iti uneg ti target range ti gobierno ita a tawen.
Iti naiyuswat a Philippine Economic Briefing iti Tokyo, inbatad ni Recto a ti inflation ket posible a ma-stabilize iti 3.4% ita a tawen maibasar iti International Monetary Fund’s forecast.
Manamnama a ti 3.4% annual inflation rate ket agbalin a naginginad no idasig iti 6.0% a nairekord iti napalabas a tawen wenno nabaybayag ti kapaspas daytoy iti 2.4% a nakita idi 2020.
Ti inflation ket addaan ti average a 3.5% iti umuna a lima a bulan ti tawen.
Nupay kasta, apaman a simrek ti tawen, naobserbaran ti inflation ti ‘consistent uptrend,’ ngimmato manipud iti 2.8% idi Enero a nagbalin a 3.4% idi Pebrero, 3.7% idi Marso, 3.8% idi Abril ken 3.9% idi Mayo.
Kabayatanna, ti nasao a datos idi Mayo ti kangatoan sa iti uneg ti innem a bulan sipod idi dimmanon ti inflation rate iti 4.1% idi Nobiembre 2023.
