LAOAG CITY – Posible nga agtalinaed iti nagbaetan ti 3.7 percent ken 4.5 percent ti inflation para iti bulan ti Mayo, maibasar iti Bangko Sentral ng Pilipinas.
Basar iti Bangko Sentral ng Pilipinas, sumagmamano kadagiti nakaapektar iti inflation ket ti nangatngato nga electricity rates, presio dagiti nateng ken ti panagbaba ti balor ti piso a nangitunda iti nanginngina nga imports.
Iti baet daytoy, nakatulong met ti nababa a presio ti bagas, ikan ken prutas pakairamanan ti langis ken liquefied petroleum gas tapno mapababa ti inflation.
Maipalagip nga idi Abril ket nairekord ti 3.8 percent nga inflation gapu iti agtultuloy a panagngato ti presio dagiti makan.
