LAOAG CITY – Pimmaspas ti inflation rate wenno ti panagngato ti presio dagiti magatgatang ken serbisio iti pagilian idi bulan ti Nobiembre 2024.
Daytoyen ti maikadua a nagsaruno a bulan a nakairekord ti napaspas nga inflation manipud iti 2.3% nga inflation a nairekord idi Oktubre.
Inbatad ni Philippine Statistics Authority Chief Undersecretary Claire Dennis Mapa a ti makaigapu iti napaspas nga inflation ket gapu iti panagngato ti presio dagiti taraon ken transportasion idi Nobiembre.
Nangitunda daytoy ti year-to-date average inflation rate a 3.2% nga aprobado latta iti target ti gobierno a 2% agingga iti 4% inflation rate para iti tawen 2024.
