LAOAG CITY – Ad-adda pay nga immalisto ti inflation wenno ti panagngato ti presyo dagiti magatgatang ken immabot iti 6.1 percent idi bulan ti Setyembre.
Daytoy ket basar iti report ti Philippine Statistics Authority (PSA).
Basar iti datos ti Philippine Statistics Authority (PSA), al-alisto ti inflation iti napalabas a bulan no ikumpara iti 5.3 percent a nairekord idi Agosto.
Iti Year-on-year, ti inflation ti Setyembre ket nagin-ginad ngem iti 6.9% iti kapada a bulan iti napalabas a tawen idinto a ti year-to-date inflation rate ket 6.6%, nangatngato ngem iti target ceiling ti gobierno a 2% agingga iti 4%.
Sakop met iti inflation rate ti Setyembre iti forecast range a 5.3% agingga iti 6.1% ti Bangko Sentral ng Pilipinas para iti nasao a bulan.
Inbatad ti Bangko Sentral a ti panagngato ti presyo ket mabalin a gapo iti panagngato met ti presyo ti gasolina, kuryente, ken dagiti produkto a pang-agrikultura.
