LAOAG CITY – Umaboten iti P3 billion ti gatad ti pannakadadael ti nasagaba ti infrastructure sector iti Cordillera Administrative Region gapu iti nagsasaruno a panagtudo a nangitunda ti panagreggaay ti daga ken nalawa a panaglayus.
Iti uneg ti sumurok tallo a lawas a panagtudo, ado dagiti road network iti nasao a rehiyon ti naapektaran bayat a dagiti istruktura kas kadagiti pagtaengan ket nadadael.
Segun ken ni Department of Public Works and Highways (DPWH) secretary Vince Dizon a possible a ngumato pay ti datosda gapu iti agtultuloy nga assessment ken validation kadagiti epekto ti kalamidad.
Kabayatanna, nairekord ti 15 nga indibidual ti natay iti intero a Cordillera kadagiti naglabas a lawas gapu iti rain-induced landslides gapu pay laeng iti agtultuloy a panagtudo.
