LAOAG CITY – Kinumpirmaran ni Police Major Joseph Baltazar, ti chief of police ti PNP-San Nicolas a balligi a natiliw ti maysa nga inhinyero gapo iti maipagarop a panangitutok na ti paltog.
Binigbig ni Baltazar ti suspek a ni Engr. Albino Pedro ken residente iti Barangay Balacad ditoy ciudad ti Laoag
Segun kenni Baltazar, idi rabii ket nagresponde da kalpasan nga adda ti naawat da a tawag seknan iti panangitutok ti inhinyero ti paltog.
Iti imbestigasyon da, napan ti suspek iti pagtutugawan iti nagreklamo ken ti maysa pay a kadua na ken maipagarop nga intutok na ti paltog na iti ulo daytoy gapo ta maipagarop a natagari dagitoy basar iti palawag ti inhinyero.
Kunana nga inbaga met ti biktima a nakigtot laengen nga idi immasideg ti inhinyero ket inasut nan ti paltog na ket intutok nan daytoy.
Mainaig iti daytoy, kuna ni Baltazar a saan met a nagresistir ti suspek idi tiliwen da ken kinumpiskar a ti paltog na a caliber 45 armscor ngem masdaaw da gapo ta ti upper reciever daytoy ket STI ti naimarka rason a maibilang a tampered no sadinno ket naikkat ti markings.
Inbatad na a positibo pay ti inhinyero iti nasanger kalpasan a naipadalan iti eksaminasyon.
Naamoan a basar iti witness ket adda ni Pedro iti nasao a barangay ket gapo ta adda ti nobya na ken masansan a mapmapan iti nadakamat a lugar.
Kabayatanna, kunana a kaso a grave threat ti inpila da kenni Engr. Pedro malaksid laeng a naipaan ti citation ticket gapo iti panaglasing na iti curfew.
