LAOAG CITY – Inbutaktak ni dati a Bulacan district Engr. Brice Hernandez a nagbibingay dagiti inhinyero iti Department of Public Works and Highways (DPWH) iti kickback manipud kadagiti ghost projects.
Rakurak na daytoy kabayatan ti panagdengngeg ti Senate Blue Ribbon Committee kalpasan a naipaayan ti legislative immunity kasukat ti panangibutaktak na kadagiti ghost project iti distrito da iti Bulacan.
Segun kenni Hernandez, ti dati a boss-na a ni Engr. Henry Alcantara ket adaan ti 40 percent a bingay manipud iti mapastrek na idi a sag-20 a porsiento met kada Engineer Jaypee Mendoza ken Engineer Paul Duya.
Inbatad pay ni Hernandez a ti panagpangato ti ‘grease money’ ket maysa kadagiti rason no apay a nagdesisyon da nga agaramid iti ghost project.
Kabayatanna, nalikudan met ni Alcantara ti alegasyon ni Hernandez kunana a blangko wenno saan na nga ammo no siasinno ti maibagbaga a proponent.
