LAOAG CITY – Maladingitan ti Singer-actor Inigo Pascual para iti dati a nobya na a ni Maris Racal kalpasan a kinumpirmaran ti aktres a nagsina dan iti nobyo na a singer a ni Rico Blanco.
Inbatad ni Inigo a nabuya na ti interview ni Maris ken narikna na no kasanu ti kasakit na para iti balasang ti nagbanagan ti relasyon da ken ni Rico.
Nupay kasta, mamati ni Inigo nga adda ti napintas a kasukat na ti napasamak kangrunaan na ket pinili ni Maris ti bagina isut gapuna a maipanakkel na unay ti dati a nobya na.
Inadmitir ni Inigo nga awanen ti komunikasyon da ken ni Maris ngem nagtalinaed daytoy nga updated iti karera ken dagiti achievements ti aktres.
Maipalagip a nagsina da Inigo ken Maris idi Disyembre 2018 iti saan a masinunuo a rason.
