LAOAG CITY – Naalaan ti blood sample dagiti innem a baboy iti Barangay Tanggaoan iti ili ti Piddig kalpasan a nagkiddaw ni Barangay Chairman Charito Garma.
Daytoy ket kalpasan nga adda ti rimuar nga isyu nga adda ti kinaluban ti kapitan a nagikali ti natay a baboy.
Inlawlawag na nga awan ti kinapudno na nga adda ti nagikali ti natay a baboy iti barangay da.
Segun kenni Garma, sakbay a rimuar daytoy nga isyu ket addan ti plano na a maipadalan iti eksaminasyon dagiti baboy.
Kunana a daytoy ket gapo ta ti barangay da ket boundary kadagiti ili nga addaan ti African Swine Fever (ASF).
Kabayatanna, kuna ni Garma nga idi kalman ket adda ti nasalamaan da a behikulo a nagikarga ti baboy a naggapo iti ili ti Vintar isut gapo na a saan da a pinalubusan a sumrek.
