LAOAG CITY – Naduktalan a naburburay-rayan ti bagi dagiti innem a kalding iti Brgy. 51-B, Nangalisan ditoy siudad ti Laoag.
Segun ken ni Mr. Randy Puyaoan, residente iti nasao a Barangay, agarup alas tres ti parbangon idi kalman nga adda dagiti mangngegda a makatagari nga aso kageddan ti panagringgor dagiti kalding.
Nupay kasta, kunana a gapu ta nasipnget pay laeng kadayta a gundaway ket awan ti nakaimatang ti eksakto a napasamak agingga a nakita pimmusay dagiti innem a kalding apaman a limmawag.
Inlawlawagna nga arig ket awan ti nagbalbalinan dagiti taraken dagiti karruba na gapu iti panangkagat iti maipagarup a walang nga aso.
Mainaig iti daytoy, kuna ni Puyaoan a maikaduan a daras a mapasamak ti insidente iti barangay da nu sadino nga itay napan a tawen ket mismo met a dagiti dua a taraken na a kalding ti natay gapu iti panangatakar ti maipagarup a walang nga aso.
