LAOAG CITY – Innem a police personnel iti north-east Kenya ti natay kalpasan a natambang dagitoy iti asideg border da ti Somalia.
Agpapan ita ket awan pay ti grupo a nangadmitir nga isuda ti responsable iti napasamak a panagtambang.
Nupay kasta, inbatad ni Garissa County Commissioner Mohamed Mwabudzo a ti wagas a panagatake ket arigna kapada ti iyus-uswat a panagraot ti Somali-based Islamist militant group al-Shabab.
Inpakaammo ti opisyal a natabang dagiti police personnel bayat iti panagsagsagana da para iti panagkararag da iti bigat.
Naamoan a malaksid kadagiti natay ket adda pay ti innem nga opisyal a nasugatan ken manarimaan a maag-agasan iti ospital.
Ti Al-Shabab a konektado iti al-Qaeda ti mangkonkontrol iti dakkel a paset ti southern ken central Somalia.
