LAOAG CITY – Inbatad ni Police major Adriano Licudan, ti deputy chief of police ditoy ciudad ti Laoag nga amwen da pay laeng nga umuna ti kinatao wenno pakabigbigan dagiti innem a menor de edad a lallaki a nagpicture iti Gilbert Bridge.
Daytoy ket gapu ta saan laeng a gagangay a panagpicture ti inaramid dagiti nasao a menor de edad no di ket nakalabos ken inappot da ti mabagbagi da.
Inpetteng ni Licudan a kalpasan a mabigbig da ti kinatao dagiti maseknan ket isunto pay laeng ti panangisayangkat da ti sumaruno nga addang da.
Inpalgak na a saan a maiparbeng ti inaramid dagiti maseknan ken ibilang na a saan a nasayaat ti panagpanpanunot ti makaaramid ti kastoy a banag.
