LAOAG CITY – Natay dagiti innem a tattao kalpasan ti napasamak nga stampede iti military recruitment event idiay Ghana.
Segun iti Ghana armed forces, napasaak ti insidente gapo iti saan a ninamnama a panagado ti bilang dagiti aplikante.
Naamoan a malaksid kadagiti natay ket 22 a dadduma pay ti nasugatan no sadinno lima kadagitoy ti kritikal ti kasasaad da.
Saan a ninamnama ti militar ti Ghana nga agingga iti sangaribu a tattao ti agaplikar nga agbalin a soldado iti El-Wak stadium idiay Accra.
Immadu ti bilang dagiti awanan ti panggedan idiay Ghana, isut gapo na nga adu nga agtutubo ti interesado a nga agbalin a paset iti militar.
Gapu iti pasamak ket inyalud-od ti armada ti Ghana ti panagrekrut.
