LAOAG CITY – Naideklaran a drug cleared ti innem a barangay ti ilia a Vintar babaen ti Philippine Drug Enforcement Agency.
Naiyuswat ti Culminating Activity ti Community Based Rehabilitation Program iti Municipal Audtitorium ti ili a Vintar ti pannakaideklara a drug cleared ti Brgy. Alejo Malasig, Dipilat, Visaya, San Pedro, Parparuroc ken Margaay.
Inlawlawag ni Ms. Lanibel Ancheta iti PDEA, a tiningiting ti Provincial Overside Committee dagiti nasao a barangay iti drug clearing program.
Kuna na a naikkat metten ti nagan dagiti drug surenderee iti listaan idinto a manamnama a maikkat met iti nagan dagiti dadduma a maseknan apaman a maideklara a drug cleared barangay ti lugar da.
Mainaig iti daytoy, naawat dagiti barangay chairman kadagiti innem a barangay ti sertipikasyon kas paneknek a drug cleared ti barangay da.
