LAOAG CITY – Balligi a natiliw dagiti innem nga indibidual gapu iti iligal a panagsusugal iti Brgy. 8 iti ili ti San Nicolas.
Inpakaammo ni PMaj. Joseph Tayaban, ti hepe ti kapulisan iti nasao nga ili a naiyuswat ti operasyon kalpasan nga adda ti naawatda a report seknan kadagiti agsusugal.
Inbatad na a naaktuan iti likod ti maysa a pagtaengan ti panagay-ayam ti tong-its dagiti suspek.
Inpakaammo ni Tayaban a nakumpiskar ti dua a set ti baraha, dua a lamisaan ken nagduduma a denominasyon ti kwarta a nausar kas pusta.
Nagtalinaed dagiti suspek iti kustodyar ti PNP-San Nicolas ken manamnama a mapilaan dagitoy ti kasao a panaglanbsing ti PD1602 wenno ti illegal gambling law.
