LAOAG CITY – ima a babbai ken maysa a lalaki ti naarestar iti naiyuswat nga anti-illegal gambling operation iti Brgy. Ablan iti ili ti Burgos.
Daytoy ti inpakaamo ni PCapt. Sheryl Guzman, hepe ti PNP Burgos.
Segun ken ni Guzman, namunganay ti operasyon kalpasan nga adda ti naawat da a report seknan dagiti agsusugal iti nasao a barangay partikular iti maysa nga abandonado a pagtaengan iti Purok Sinamar.
Kuna na a naklaat dagiti suspek apaman a nakaaktoan dagiti otoridad ti panagay-ayam da ti tong-its.
Mainaig iti daytoy, kuna na a dagiti innem a natiliw ket unemployed ken ti maysa kadagitoy ket asawa ti opisyal iti nasao a barangay.
Nakumpiskar ti 885 a pisos a pusta manipod kadagiti suspek ken nagtalinaed dagitoy iti kustodyar ti PNP Burgos.
