LAOAG CITY – Adadalenen ti Philippine National Police ditoy probinsia ti Ilocos Norte ti Security Measures para iti 2025 Midterm Elections.
Segun ken ni P/Col Frederick Obar, Provincial Director ti Ilocos Norte Police Provincial Office nga adda ti araramidendan a panagmonitor kadagiti agkandidato wenno agpila ti certificate of candidacy inton umay nga bulan ti Oktubre 1 agingga 8.
Kinunana nga ikumpurada ti security measures nga ipaayda ditoy probinsia iti security measures idi napalabas nga eleksion ditoy pagilian.
Innayonna nga adda ti manamnama a pormal a pannakaiyumanda iti biang ti Commission on Elections pakairmanan ti Department of the Interior and Local Government tapnu matingiting a naimbag no siasinno dagiti maibilang nga Areas of Concern ditoy probinsia.
Kabayatanna, adda ti maisayangkat a seminar dagiti maseknan tapnu ad-adda a mapagtalinaed ti linak ken urnos ditoy probinsia.
