LAOAG CITY – Manarimaan a dumaldalan dagiti balod ti Ilocos Norte Provincial Jail iti Technical Education and Skills Development Authority training course a barbering ken food and beverage services.
Segun ken ni Jail Warden Editor Guiang, ti Ilocos Norte Provincial Jail, dakkel daytoy a tulong para kadagiti maseknan a balod tapno apaman a makaruar dagitoy ket adda ti napintas a nasursuroda a mabalin nga iyaplikarda iti panagbiagda.
Inbatadna a makaawat dagiti nasao a balod ti National Certificate II apaman a makumpletoda ti dua a training course.
Inlawlawagna nga adda ti maipapaay a 160 a pisos nga allowance dagiti balod iti kada aldaw kabayatan ti pannakaisayangkat ti nasao a panagsanay.
