LAOAG CITY – Maiwaras dagiti balud iti Ilocos Norte Provincial Jail ita a panawen ti kalgaw.
Daytoy ti inbatad ni Jail Warden Editor Guiang, ti Provincial Warden ti Ilocos Norte Provincial Jail.
Inlawlawag ni Guiang nga umaboten iti 133 ti bilang dagiti agdama a nakabalod iti Ilocos Norte Provincial Jail isut gapuna nga iti panawen ti kalgaw ket mapagbalin laeng a 9 dagiti balud nga agyan iti maysa a selda imbes a 12.
Gagem daytoy nga addang ket tapno saan unay a mabaraan dagiti balud.
Innayon na a no madlaw da a nabara unay ti panawen ket ipatungpal da ti open selda manipud ti oras ti ala-una ti malem agingga ti alas-tres ti malem tapnu mapan da agpalamiis kadagiti sirok ti kaykayo ken maliklikan ti panagsakit dagiti balud.
