LAOAG CITY – Inrakurak ni Mr. Editor Guiang, ti Jail Warden iti Ilocos Norte Provincial Jail nga agtultuloy paylaeng ti panagawat dagiti balud kadagiti order a Christmas decorations manipod kadagiti nagduduma a grupo wenno indibidual.
Inpakaammo ni Guiang a saan a magabenan dagiti balud iti Ilocos Norte Provincial Jail ti agaramid kadagiti Christmas decorations aglalo ket isuda ti kinasarita ti Provincial Tourism Office a nagaramid pay kadagiti Christmas decorations iti sango ti kapitolyo probinsyal.
Malaksid iti kapitolyo probinsyal ket dagiti pay balud ti nagaramid kadagiti dekorasyon iti Paoay Church.
Kuna ni Guiang a maragsakan da gapu ta dakkel met ti mapaspastrek dagiti balud manipod iti panagar-aramid da kadagiti Christmas decorations ken dadduma pay a produkto.
Innayon na a pinabus-oyan da payen dagiti balud nga isuda lattan ti makitransaksyon kadagiti mangayat nga agorder kadakuada.
Segun pay ken ni Guiang, amin a mapastrek dagiti balud ket mapan amin kadakuada tapno ad-ado metlaeng ti maited da kadagiti pamilya da ita a paskua.
