LAOAG CITY – Inpakaammo ni OIC Warden Benilda Sadian ti Ilocos Norte Provincial Jail (INPJ) a nagkiddaw daytoy ti 10 a Job Order wenno guwardiya a nayon nga agbantay kadagiti balod iti nasao a pagbaludan.
Segun kenkuana, kadagupan kadagiti 10 a guwardiya a kiniddaw da ket lima pay laeng ti inaprobaran ni Gov. Matthew Marcos Manotoc.
Inbatad ni Sadian, dua pay laeng a guwardiya ti nainayon iti nasao a pagbaludan kalpasan a nakapalibas ti INPJ ti maysa a balod a nabigbig a ni Medy Laudencia, agtawen ti 39 ken residente ti Brgy. Suyo iti ili a Dingras.
Inlawlawag na a nailasin ni Laudencia iti selda ken agmaymaysa daytoy.
Maipalagip a naglibas ti suspek iti nadakamat a pagbaludan idi Agosto 31 ken naarestar idiay Sitio Tubeg, Pita, Infanta iti probinsia ti Pangasinan.
Naarestar ti suspek, addan ti makabulan ti napalabas babaen kadagiti kameng ti Criminal Investigation and Detection Group- Ilocos Norte PFU1, Infanta Municipal Police Station, Alaminos City Police Station, PMFC1, Mabini Municipal Police Station ken dagiti kameng ti Ilocos Norte Provincial Jail ekn PIB Ilocos Norte Provincial Police Office.
Ummuna iti daytoy, naarestar ni Laudencia gapu iti sangsangwen na a kaso a panangrames
