LAOAG CITY – Inpasingked ni Jail Warden Edietor Guiang ti Ilocos Norte Provincial Jail a naiget ti panagin-inotda iti panagkonsumo ti kuriente.
Segun kenkuana, daytoy ket maysa a wagas iti panangsurotda iti Executive Order ni Gov. Cecilia Araneta Marcos mainaig iti panagin-inot ti kuriente.
Inbatadna a ti ar-aramidenda iti inaldaw ket tunggal madanon iti oras ti alas tres agingga iti alas singko ti malem ket rummuar amin dagiti balud manipud iti pagbaludan nga agturong iti covered court.
Inlawlawagna a maiddep dagiti saan a mausar a silaw ken maugsot dagiti appliances kas ti electric fan ken television.
Kunana a babaen ti dua nga oras a saan a panagkonsumo ti kuriente ket dakkel a makatulong tapno bumaba ti bayadanda iti kuriente.
