LAOAG CITY – Inrakurak ni P/Lt.Col. Jephree Taccad, Chief Provincial Operation Management Unit ti Ilocos Norte Police Provincial Office nga adda ti augmentation force para iti Palarong Pambansa 2025.
Segun kenkuana, kabinnuligda ti Philippine Marines, Philppine Army, Philippine Coast Guard ken Bureau of Fire Protection a mangipaay ti medical assistance.
Inbatadna a naruay a kapulisan ti maiwaras kadagiti amin a pagay-ayaman dagiti atleta.
Kunana nga adda ti 51 a billeting areas ken 41 nga sporting events.
Inlawlawagna a malaksid kadagiti atleta manipud kadagiti 18 a rehion iti intero a pagilian ket adda dagiti sumagmamano nga atleta nga aggapu pay iti ballasiw-taaw a makipaset iti naindaklan nga aktibidad.
