LAOAG CITY – Agtultuloy ti maiyus-uswat a “TIMPUYOG” program para kadagiti kandidato iti 2025 national ken local election.
Daytoy ti inbatad ni Police Major Sheryl Guzman, ti pannakangiwat ti Ilocos Norte Police Provincial Office.
Segun kenni Guzman, napintas ti epekto na ti programa agsipud ta kadagitoy a gundaway ket awan ti makita wenno mamonmonitor da nga agririri a kandidato ditoy probinsya.
Inlawlawag na a gagem iti Timpuyog Program ket tapno maipasagepsep iti panunot dagiti kandidato a saan da nga agar-aramid ti maikanniwas iti linteg ita a panawen ti eleksyon.
Innayon pay ni Guzman a ti nasao a programa ket inpatungpal da met idi Barangay and Sang Kabataang Elections no sadinno a nakita ken napaneknekan da nga epektibo daytoy.
Kabayatanna, mangnamnama ni Guzman nga agtalinaed ti linak, urnus ken talna agingga a malpas ti eleksyon ditoy probinsya.
