LAOAG CITY – Ibilang ti Philippine National Police nga isolated case ti napasamak a pammaltog iti Barangay Bagut iti ili ti Dingras a nakatayan ti maysa nga indibidual a residente iti Barangay Sagpatan, ken ti pannakalto-paltog ti maysa nga engineer iti Barangay San Marcelino.
Segun kenni Police Lt. Col. Ryan Retotar, Deputy Provincial Director for Operation ti Ilocos Norte Police Provincial Office (INPPO), ikonsiderar dan a nasolbar ti pannakapalto-paltog ti civil engineer a babai iti Brgy. San Marcelino gapo ta addan dagiti napilaan ti kaso.
Inbatad na ti motibo iti nasao a pammaltog ket crime of passion.
Nagkedked metten ni Retotar a mangidetalye ti pakabigbigan dagiti suspek kangrunaan na ti mastermind iti pannakatay ti engineer.
Maipalagip nga idi kalman ket napalto-paltogan a puon ti nakatayan ti agtawen ti 27 a lalaki idinto a ti engineer ket napalto-paltogan iti bulan ti Setiembre.
