LAOAG CITY – Maibilang a ti Ilocos Norte Police Provincial Office ket karaman kadagiti kangatoan ti nairekordna iti Daily Accomplishment Report iti Philippine National Police – Regional Office I babaen ken ni Regional Director Police Brigadier General Lou Evangelista.
Daytoy ket kalpasan ti balligi a pannakaisayangkat dagiti nagduduma nga operasion ditoy probinsia.
Basar iti impormasion, adda ti 13 nga operasion ti naiwayat iti intero a rehion uno no sadino sangapulo ditoy ket balligi a naarestar dagiti otoridad, maysa ti maibilang a Most Wanted ken 9 ti Wanted.
Mainaig iti daytoy, dumanon iti 1,318 dagiti naglabsing kadagiti maipatpatungpal a Local Ordinance iti intero a rehion uno no sadino agdagup ti 403,745 ti multa dagitoy.
Malaksid iti daytoy, adda pay ti nangideposito ti paltogda a saan a rehistrado iti License To Own and Possess Firearm pakairamanan dagiti 88 nga indibidual ti naarestar gapu iti panaglabsingda iti Republic Act No. 4136 no sadino agdagup ti 97,100 ti multa dagitoy.
Naammoan nga agtultuloy ti panangisayangkatda kadagiti nagduduma nga operasion tapno malappedan dagiti dakes nga aramid dagiti indibidual iti intero a rehion uno.
Kabayatanna, naibilin amin dagiti Municipal ken City Police Station nga addaan ti Daily Accomplishment Report nga idatagda daytoy iti Ilocos Norte Police Provincial Office.
