LAOAG CITY – Maisubmitir iti Explosive Ordnance Division (EOD) dagiti makumpiskar nga eksplosibo tapno madeterminar ti klase daytoy.
Daytoy ti inpakaammo ni PMaj. Jephre Taccad, ti pannakangiwat ti Ilocos Norte Police Provincial Office (INPPO) .
Segun ken ni Taccad, saan nga amin a kapulisan ket addaan ti training maipanggep ti eksplosibo.
Kuna na a gapu iti daytoy ket masapol a dumalan kadagiti eksperto maipanggep iti eksplosibo tapno maamoan ti klase daytoy wenno pudno.
Kabayatanna, inbatad ni Taccad a nu bilang naipan iti inquest proceeding ti kaso maipanggep ti panagikot ti eksplosibo ket mabalin a madismis daytoy.
Laketdi rumuar ti resulta iti inspeksyon ti EOD a palso wenno saan a pudno ti nakumpiskar nga ekspolisibo.
Ti palawag ni Taccad ket kalpasan a naduktalan a peke ti Granada a nakumpiskar manipod iti pagtaengan ni Barangay Chairman Felimon Balguna iti Brgy. Estancia iti ili ti Piddig, maysa a team Fariñas supporter kabayatan ti naiyuswat a search warrant operation.
Rimuar pay dagiti akusasyon a nabaliwan ti granada a nakumpiskar ken ibilangti Team Fariñas a paset ti pannaka-harass dagiti supporters da ti napasamak.
Inpetteng ni Taccad nge imbes a makwestyunaran ti kredibilidad ti kapulisan ket agyaman gapu ta saan a pundno ti nakumpiskar iti kapitan.
Inpakaammo na a nu bilang rimuar iti resulta ti eksaminasyon a pudno nga ekspolibo ti nakumpisar, ti kaso daytoy ket awanan ti piyansa.
Kabayatanna, nagpalagip ni Taccad iti publiko a ti kapulisan ket agtalinaed nga apolitical.
